گیانلەدەستدانی دوو برای ناڕەزای کرماشانی
چاودێرانی ڕێکخراوی بەرگری لە مافەکانی مرۆڤی کوردستان:
بەپێی ڕاپۆرتە بەردەستەکان؛ دوو برای گەنجی ناڕەزای بە ناوەکانی ڕەزا و ڕەسووڵ کەدیوریان کە ئێوارەی شەممە ١٣ی ڕێبەندان لە جریان ناڕەزایەتییە جەماوەرییەکان لە خیابانی ئەرتەش لە گەڕەکی جەعفەرئابادی کرماشان بە تەقەی ڕاستەوخۆی هێزە ئەمنییەکان بریندار کرابوون و بۆ نەخۆشخانە گواستراوبوونەوە، ئێوارەی ئەمڕۆ بەهۆی قورسیی برینەکانیانەوە بە جیاوازیی چەند کاتژمێرێک هەردوکیان گیانیان لەدەست دا.
ئەم دوو برایە لە بەشی چاودێرییە چڕەکانی نەخۆشخانەی تالیقانیی کرماشان لەژێر چارەسەردا بوون.
بەڕێوەچوون / ڕێکەوت : ١٤ی ڕێبەندانی ١٤٠٤