لە قوتابخانە و ناوەندە پەروەردەییەکاندا مافە فەرهەنگی و زمانییەکانی منداڵان و قوتابییانی کورد ڕەچاو بکرێن
بەیاننامەی سکرتاریەت
سازمانی داکۆکی لە مافەکانی مرۆڤی کوردستان
بە پێی ئەو ڕاپۆرتانەی لە فەزای مجازیدا بڵاو کراونەتەوە و لەلایەن دەزگاکانی هەواڵی و مافی مرۆڤەوە ڕەنگدانەوەیان هەبووە،
بە هۆی خوێندنەوەی سرودێکی کوردی لەلایەن کۆمەڵێک قوتابیی قوتابخانەیەکی سەرەتایی کچان لە شاری جوانڕۆ، بەڕێوەبەری قوتابخانەکە بە ناوی خانم زەیتون کهزادی لە کارەکەی لادراوە.
باس لەوە دەکرێت کە دوای جێبەجێکردنی سرودێکی کوردی بە ناوی «ڕێی خەبات» (رێگای تێکۆشان) لەلایەن کۆمەڵێک قوتابیی قوتابخانەی سەرەتایی فیردەوسی جوانڕۆوە، ناوەندە ئیتلاعاتی ئەمنییەکان خانم کهزادی بەڕێوەبەری قوتابخانەکەیان بانگهێشت کردووە و پاشان فەرمانی لادان و دەرکردنی ناوبراویان لە ناوەندە پەروەردەییەکان دەرکردووە.
سازمانی داکۆکی لە مافەکانی مرۆڤی کوردستان، دەرکردنی خانم زەیتون کهزادی لە کارەکەی بە پێشێلکردنی مافە مەدەنی، کۆمەڵایەتی و پیشەیییەکانی دەزانێت و ڕێگریکردن لە جێبەجێکردن و خوێندنەوەی سرود و هۆنراوە کوردییەکان لەلایەن منداڵان و قوتابییانی کوردەوە بە پێشێلکردنی مافە فەرهەنگی و زمانییەکانیان دەزانێت و بە پێچەوانەی بڕگە و جەختکردنەوەکانی هاوکێشە جیهانییە پەیوەندیدارەکان و مافە فەرمیپێدراوە جیهانییەکانی مرۆڤی دەکاتەوە،
ئەم سازمانە داوای گەڕانەوە بۆ کار بۆ خانم زەیتون کهزادی و ڕەچاوکردن و ڕێزگرتن لە مافە فەرهەنگی و زمانییەکانی منداڵانی کورد لە قوتابخانە و ناوەندە پەروەردەییەکاندا دەکات.
رێکەوت : ٤ی خەرمانانی ١٤٠٤ بەرانبەر بە ٢٦ی تشرینی یەکەمی ٢٠٢٥